موقف طريف حصل لي .

كيفكم حبايبي ,, طيبين أن شاء الله

أنا اليوم جايب لكم موقف طريف حصل لي أنا شخصياً وهالموقف يمكن يحصل لأي واحد

المهم علشان ماأطول عليكم بدخل في الموضوع على طوووووول

مرة من المرات كنت رايح مشوار بسيارتي الخاصة و أوقفت سيارتي بالمواقف الخاصة

بامكان اللي أنا رايح يمه ورحت وخلصت شغلتي ولما رجعت لسيارتي وحاولت أفتح باب

السيارة عجزت أفتحه وقلت في نفسي وش السالفة يمكن يكون المفتاح خربان المهم _

جاني واحد وقلي تبغى مساعدة قلت له لا لا المشكلة بسيطة جداً بس المفتاح مو راضي يفتح

باب السيارة وإن شاء الله بحاول وبيفتح معي المهم الوقت راح وأنا قاعد أحاول

قلت في نفسي إذا مافتح هالمرة بجيب أي شي وأكسر القزاز وأمشي ،، حاولت وبدون فايدة خلاص

قمت ورحت أجيب حصاة طوبة بلكه اللي هي علشان أكسر القزاز _ وفجأة وأنا راجع ومعي طوبة

تفاجأت بشخص يضغط على الريموت كنترول حقه والله وتفتح السيارة اللي أنا لي ساعة أحاول أفتحها



وأنا من الموقف قعدت أناظر مثل المسبوه الخبل اللي مايدري وش السالفة _ وراح الشخص وشغل السيارة

وحرك ومر من عندي وشافني أطالع فيه بغرابة أبتسم ورفع أيده وسلم علي وهو ماشي أنا في هاللحظة عرفت أني

بغيت أجيب العيد وأكسر قزاز سيارة ماهي سيارتي _ وتذكرت أني موقف سيارتي في المواقف المقابلة للمواقف

هذي _ على طول رحت أدور سيارتي وحصلتها وأحط المفتاح وأنا خايف لاتكون ماهي هيه بعد والحمد لله طلعت

سـيارتي وقعدت خمس دقايق أتحمد الله إني ماكسرت قزاز السيارة حقة الشخص والا هالحين أنا في خبر

كانا وأخواتها وشغلت سيارتي وأنا قاعد أضحــك على نفسي وأحس إني أول مرة أكون حمار

هههه وهذا هو الموقف اللي صار لي

وأتمنى تكون سالفتي أعجبتكم ،، وتراها قديمه ماهي قريبه ههههههههههه لا يجي واحد ويقعد يضحك علي ثم

يبلاه الله ،،

هههههههههههههههههههههه من جد موقف لا تحسد عليه...
أجل أنا لازم أحط علامة مميزه ع سيارتي المستقبليه<<<<<الأخت متفائله أنها تسوووق
بس تبون الجد إذا وافقوا أنا أول تسوق ولا بعد بطلع لي تصريح منشان المسدس اللي بحطه تحت المرتبه, ولا تخافون ترى أعرف أستخدمه....

هههههههههههههههههههههههههه ابو خالدد انا معك كثير تحصل هالمواقف هههههههههههههههههههههه مشكوور الله يعطيك العافيه

ههههههههههه حلووه ولا كنت في خبر كان تقبل مروري

هههههههههههه أبو خالد

تصدق توني أقرأ موضـوعك خخخخ
والله بصراحة موقف لا تحسد عليه

تحياتي لك وآسف على الرد المتأخر

ودمت بووود

هههههههههههه موقف مفهين بقووة

أنتبه لنفسك مرة ثانية خخخخخخ

الله يسعدك يابو خالد على نقل الموقف الطريف

تقبل مروري ياصاحبي .