قصيده جميله للشاعر الكبير سلطان الهاجري

قصيده جميله ورائعه للشاعر سلطان الهاجري الا وهيّ>>دلتك فاحت<<


الخيّال أشهر من الحر النداوي
والندى رمزٍ من اليمنى النديه

وحيلة النصاب مقطوع الرجاوي
والله انه ما يمشيها عليّه

ليش دسيت الرواية وانت راوي
تدري ان العاقبة ذنب وخطيه

يوم جاك الليل في بر الصداوي
ضعت يالراعي وضيّعت الرعيّه

صفر زايد صفر قلّي كم يساوي؟
يعني الذمة من الذمة بريّه!!

ليش سموا عود جاوه عود جاوي
وليش سموا الابجديه الابجديه؟

دلّتك فاحت وانا عليها غناوي
قهو قيس وقهو ليلى العامريه

أعظم الامثال في شعر الخلاوي
ما طرقها في اللحون السامريه

وعزت ابراهيم والياس الهراوي
يضربون امثال هيّه وهاي هيّه

وانت لو ينحي بك السيل النحاوي
رحت مثل الحبل ف رقبة المطيه

من سمعسمعة شليويح العطاوي
ميّز النفس الفقيره والغنيّه

يوم طار الستر عن مبسم مضاوي
ماطراه الا الشجاعه والحميه

الأزمه ما تغطيها الغطاوي
والسلوب العنجهيه عنجهيه

والله انك من بعيدين الهقاوي
مير تجرفك الحميّا الجاهليه

اسمع الفتوى من شيوخ الفتاوي
اسمها فتوى واسميها وصيه

ما هويت المستحيل الا انت هاوي
روح سرمد والمسافه سرمديه

بس حاول ما تطيح الا متساوي
لا تشب الحرب وتصير الضحيه



الـًُــوُقــــُــًـــيَــــعً:


يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا
وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ