السلام عليكم ورحمة الله وبركاته
تجدد لقائنا في هذا المنتدى الكريم
واقدم لكم وللاعضاء المبدعين هذه المحاوره بين حبيب العازمي والشاعر مطلق الثبيتي رحمه الله بواسع رحمته تعالوو معااي نقراها
حـــــــــــــــــبــــــــــيــــــــــــب الــــــــــــــعـــــــــازمـــــــــــــــي
زاد الكلام وزادت الصفيـن
من شاف راع السيل من شافه
بيني وبينـه سلـت السكيـن
ما فيه لارحمـه وألا رافـه
مــــــــــــــــطـــــــــــــــلــــــــــــــق الــــــثــــــــبـــــيـــــــتـــــي
لو تلتبس لك بينهم بشتين
البحر ما ينقصه غرافـه
بالهون ياركان أبو حثلين
اللي عشق دبر العناء عافه
حـــــــــــــــــبــــــــــيــــــــــــب الــــــــــــــعـــــــــازمـــــــــــــــي
الشرع يحكم والشهود اثنين
وغير الثنين اثنين حلافـه
ورآك يا مطلق تلد العيـن
وش شفت قدم الذيب وخلافه
مــــــــــــــــطـــــــــــــــلــــــــــــــق الــــــثــــــــبـــــيـــــــتـــــي
مالك ورآنا يا حبيـب ديـن
والشرع ثابت فـوق ميقافـه
ما شفت قدم الذيب غير الزين
واللي يطرف فالخلا حافـه
حـــــــــــــــــبــــــــــيــــــــــــب الــــــــــــــعـــــــــازمـــــــــــــــي
خليت الاردن يالشريف حسين
والخوف في جوفه وفطرافـه
سلم العرب وقت القسى والين
كلً عـلاه ايضفـي الحافـه
مــــــــــــــــطـــــــــــــــلــــــــــــــق الــــــثــــــــبـــــيـــــــتـــــي
الله ياحسبي على الاثنيـن
كلً يصج السمع غطرافـه
الموتر اللي صانعه فالصين
أعمى عيون الناس كشافـه
حـــــــــــــــــبــــــــــيــــــــــــب الــــــــــــــعـــــــــازمـــــــــــــــي
الله دعى فالوعل أبو قرنين
عود يدف الضلـع بكتافـه
لكن جاي من أين رايح وين
ياسرع ميقافـه ومحرافـه
مــــــــــــــــطـــــــــــــــلــــــــــــــق الــــــثــــــــبـــــيـــــــتـــــي
اجناه ابو نخله وابوسيفين
معاد اله فالسوق صرافـه
ترى الثبيتي ياغراب البين
معروف مرباعه ومصيافه
حـــــــــــــــــبــــــــــيــــــــــــب الــــــــــــــعـــــــــازمـــــــــــــــي
الظاهر ان صرافته مقفين
هفت بهم مع راس مهيافه
اصبر شويه والعلوم اتزين
يالافه انته قدمـك الافـه
مــــــــــــــــطـــــــــــــــلــــــــــــــق الــــــثــــــــبـــــيـــــــتـــــي
بعض العرب فيهم طباعن شين
اعصيهـم للقـطـن نتـافـه
الشيخ مـن لايتبـع المقفيـن
كلـن يرجـع فوقـه أسلافـه
حـــــــــــــــــبــــــــــيــــــــــــب الــــــــــــــعـــــــــازمـــــــــــــــي
مهوب منا من هل الضلعين
اللي تعرف القطن وأصنافه
بالله لاتاكل علـى الحييـن
خل الهلال يوقف إسعافـه
نرجو ان تحوز على رضاكم
❤ღالـتـًُــوُقــــُــًـــيَــــعً❤ღ:
❤ღ ❤ღ
❤ღ❤ღ
❤ღ❤ღ
❤ღ❤ღ
يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا
وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ