مواقف طريفه حصلت لي في رمضان تفضلو شوفو

كلنا مر بمواقف طريفه في شهر رمضان المبارك

وانا بخبرك عن مواقف حدثت معي في شهر رمضان


الموقف الاول

معروف اني امووووت باللقيمات
وعندنا عاده
الا وهي
نتهادى بعض المأكولات الرمضانيه
بحيث كل بيت يرسل لجيرانه تشكيله من المأكولات اللي يعملونها
ومره من المرات اكلت لقيمات بالبيت
طار عقلي منها
وقلت منو اللي عمل هذا
قالت جابوه لنا جيراننا
قلت اي جار
قالت ام محمد
قلت حلو بطلب من محمد يجيب لي بكره صينيه مليانه لقيمات
طبعا نسيت اخبركم
ان محمد من اعز اصدقائي
وما نفترق الا نادرا
لدرجة ان واحد سألني .. محمد أخوك ؟
المهم قلت لمحمد
ابيك تجيب لي صينية لقيمات من اللي يسوونها اهلك
قال معصي
عصبت وقلت له بتجيبها والا بأطلبها من امك
قال روح لها
انا بكره مسافر وبوصيهم انهم ما يعطونك لقيمات
قلت تراهني
قال اراهنك انهم ما يعطونك شي
ويا ويل اللي يعطيك شي
قلت اتفقنا
المهم جيتهم قبل صلاة المغرب وانا ماسك صينيه < <<<<<<< قسم ما يستحي
وطقيت الباب
طلعت لي اخت محمد
قلت ابي لقيمات
قالت اخوي هددنا وقال اللي تعطيك بيكسر راسها
قلت اقول طسي وجيبي لي لقيمات < <<<< اقشر اذا عصب
قالت والله مقدر ماني بايعه عمري
قلت طسي وخلي امك تجي انتي ما وراك فايده
لما جت ام محمد قلت ابي لقيمات
قالت يا وليدي محمد مهدد خواته انهم ما يعطونك شي
قلت افا يا خاله
ترضين اني ارجع بصينيتي < <<<<<<< مسكها مع يدها اللي توجعها
قالت والله ما ترجع ويدينك فاضيه
واخذت مني الصينيه وخلت وحده من بناتها ترستها لقيمات
قالت لامها بس محمد
قالت امها : اترسيها وانتي ساكته
وجابت لي ام محمد الصينيه
قلت ومحمد؟؟
قالت ماهو اغلى منك
< <<<< غالي عندها بالمره
ولما طلعت للبيت ومعاي صينيتي
اتصلت عليه عشان اقهره
واذكره بالرهان
واذكر اني قلت له
شوف يا محمد
انا امون على اهلك اكثر منك
والدليل اني كسبت الرهان
واذا بغيت شغله من اهلك وما اعطوك اياها
خبرني حتى اتوسط لك عندهم
< <<<<<<< يبي يقهره
طبعا انقهر
ولما رد من السفر
كفّخ خواته الين ما قالن العيد بكره
ههههههههههههههههههه
لكن ببنفس اليوم اللي تكفخن فيه خوات محمد .. اخذت تكفيخه طيبه
طبعا من امي
لان اخت محمد خبرت امي
انها انضربت من تحت راسي
< <<<< الشر انقلب عليه

.

.

.

.


والموقف الثاني

مره سألني واحد من البزران عن الصيام

< <<< مسوي شيخ يوم انه بزر

قلت شنو عنه تبي تسأل

قال بس اصوم عن الاكل والشرب

قلت لاااااا

لازم ما تدخل الحمام

واذا دخلته تفطر

والمكسين ذا صدقني

وقعد اليوم كله بدون ما يدخل الحمام

وكنت اشوفه جالس قدام بيتهم

ويده على ………… < <<<<<< تشفييير

قلت له وراك ما تلعب معنا

قال ما ابي < <<<< المسكين محسووووور ههههههه

ولما تواجهنا في الليل

جاني معصب

وهو يقول ليش تكذب علي وتقول ان اللي يدخل الحمام يفطر

قعدت اضحك عليه .. وقلت وانت خبل تصدق اي كلمه اقولها

ههههههههه

قال تصدق

لما أذن المغرب

كلهم افطرو

الا انا واقف عن الحمام

حتى اخلص حاجتي

هذي من ضمن النكبات اللي نكبت فيها احد اصدقائي ايام الطفوله < <<< امحق طفوله

.

.

.

الموقف الثالث

موقف مع بنت صغيره تتسول
كنت مع احد اصدقائي اتسوق
فجأه اتتني بنت صغيره عمرها لا يتعدى الــ 7 سنوات وهي تقول
يا وليدي اعطيني فلوس والله هلكانين
قلت لها اول شي تعلمي التسول صح وبعدين تسولي
شنو يا وليدي؟؟
قسم لو اني متزوج بتكون بنتي اكبر منك
ههههههههههههههههههه
صاحبي مسكت معاه ضحك
قالت عطني فلوس ولا تتريق؟؟
اهب يا قو عينها
قلت بعطيك ولكن بعد ما ينتهي دوامك روحي لمعلمتك وقولي لها لا تعلميني غلط مره ثانيه


.

.

.



اتمنى انكم استمتعتم فيها


اخوكم/زيدان

اتمنى ردودكم والمشاركه اي واحد حصل له موقف ينزله شي عادي ترى

والله ولي التوفيق

هههههههههههه حلوووه مواقف صراحة قوية

الأول "" أحمــ ربكـ ـــــد ماثور فيك محمد ههههههه

والثاني صراحة رحمة المسكين اللي ماأفطر زي الناس ههههه

والثالث أكيد اللي كانت تتسووول عبده صح ههههه

مشكــور على المواقف ياصاحبي

ههههههههه

والله شكلك راعي مشاكل يازيزوووو

لاهنت يالغلا على المواقف الطريفة

يالله الدور على باااقي الأعضاء

مواقف رائعـة مشكووور يازيدان

تحياتي لك ولمواضيعك المميزة

تقبل مروري .........

الله يقطع شرك ياخي انا جنوبي تفجرات من الضحكوالمساكين اخوت خويك
الاانطقو بسب الاقيمات بس والله انك فلوي ايييييوه هجولاله في المنتدى
ياخي حتى المحشش مايسوي الانت سويته
اركدددددددددددد فديتك
اخوك بيسو

الله يقطع شرك ياخي انا جنوبي تفجرات من الضحكوالمساكين اخوت خويك
الاانطقو بسب الاقيمات بس والله انك فلوي ايييييوه هجولاله في المنتدى
ياخي حتى المحشش مايسوي الانت سويته
اركدددددددددددد فديتك
اخوك بيسو