محاروة جميلة ورائعة وقوية بين ملفي المورقي وحامد القارحي .

محاوره حماسيه وفتل ونقض بمعنى الكلمه



ملفي المورقي

من عين القارحي من عقب هاك الزمان = الاذن ماسمعته والعين ماشافته
وده يداحم عتيبه مير ماله مكان = حنا وقحطان أسامينا على اللافته


حامد القارحي

انا معك في الطلب وأصهل صهيل الحصان = الصيرفي تصرف العملات صرافته
هذا دليل المخافه تدرق بـــ قحطان = والضلع ماهو بــ شايل هم حذافته


ملفي المورقي

حامد مخبى ويوم انه تبين وبان = الجادل اللي تمنى شوفته عافته
حامد يحاول يعوض مافقد باللسان = زبن لقحطان يوم القافله طافته

حامد القارحي

أطيبكم اللي نجح مقبول في الامتحان = علومكم خافته وأنواركم خافته
وليا طلبناك حجه قلت جدي فلان = وفلان لاجاه ضيف ينقص ضيافته

ملفي المورقي

حنا هل العرف واهل السيف وأهل العنان = وندرس الشعر وأنته من كبار اّّفته
يوم السنين العجاف سنين جدي سمان = رد المراجل على جدك بعد طافته

حامد القارحي

لكن فيكم خلل يبغالكم ترجمان = والشعر مثل البحر ويعرف غرافته
جدي خذاها عشر جدك خذاها ثمان = ملفي يحوف الذياب ومن عصر حافته


وهذا مقـطع الفيديو ...

مشكوور اخوي وليم ,, واسفيين على الرد المتآخر

محاوره رائعه,,تحاتي لك يبطل

تقبل ودي

هههههههههه وش دعوة يابو فارس

بس يعني واحد كاتب موضوع

وفرحان فيه ،، ولا واحد رد عليه ياأخي قهر

ههههه ، ، أمــزح ،، مرور رائع

تحياتي لك ....