بسم الله الرحمن الرحيم
هذه القصيدة قالها الشاعر : سلطان بن مجري بن قاعد بن نوير الشيباني
( ابو مدين ) عندما كان في سجن الكويت عام 1955 م
يقول فيها
آه وويلاه من ضيم الليالي ** شيبٍ بالراس من غصبٍ عليه
وسط حبسٍ جعل ساسه بالهيالي ** سالمين أهله وهو بالمزهديه
ينهدم مبناه من جالٍ الجالي ** والحرس ينحاش وينادي خويه
إن طلعنا ننتقي زين المحالي ** سايقة بدوي ولا امه بحضريه
من حفيزه واردٍ في شف بالي ** والمكينة مااخلفوها الفيتريه
حسها صافي ولا فيها خمالي ** وارد امريكا ولا جرمنيه
تايره بالون من ضد الرمالي ** الصدر مرفوع وآلاته قويه
اليا اندلج من سهلة مشية زلالي ** مع عزاز الأرض تطرب من حتيه
بعدها نلفي على ربعٍ غوالي ** نلفي فهيدات ولا عبدليه
ونصبح نسير على كل الخوالي ** وكل شغمومٍ ينادي في طليه
يابني زبلوق ذربين العيالي ** طيبكم من عاد عصر الجاهليه
ويابني قرفان مرخصت الحلالي ** حاضرينٍ كل أبوكم بالحمية
والخليفي بالشدايد مايبالي ** في نهار الضيق يحمون الرديه
والحفارا ذخر من قدمٍ وتالي ** محزمي بالضيق لاجا مكرهيه
يابني مفلح يازحازيح الجمالي ** من حلال القوم تعطون الحديه
والعصيمي من قديم مايحالي ** عادته كسب الفخر في كل هيه
والنفيعي من على عصر الهلالي ** ذاخرينه في ليال المعسريه
ربعي الروسان عطيبين الفعالي ** وسيوفهم بالكون دايم صيرميه
والمقاطي ثابتٍ مثل الجبالي ** ان تضايقنا تزبنا حجيه
والروقه دايم ٍ تروي السلالي ** هم ذرى المضيوم وذياب السريه
أن زبنهم طالبه ماعاد نالي ** يعتقونه لو زبنه خطيه
جمعهم أن سار يشدى للخيالي ** مزنةٍ هلت وصبت ببرديه
كم حريبٍ عرضوا كبده ملالي ** راح منهم شاربٍ له سم حيه
وزين مسيارٍ عليهم من شمالي ** نازلينٍ في صحاصيح عذيه
يم قرمٍ ربعته فيها الدلالي ** يذبح الهرفي وجزلٍ بالعطيه
وزين طرد الصيد مع ذيك السهالي ** مع حمادٍ يخضر الكبد الطريه
فوق وانيتٍ نغط أبه الغزالي ** مع ربوعٍ كلبوهم غشمريه
يالله المعبود حقق لي آمالي ** ياولي العرش منك المغفرية
أنتهت / وهذه القصيدة نادرة .
رقم العضـوية 
المشـاركات
التقـييـم :
التسجيل
موضوع: قصيدة نادرة للشيخ / سلطان بن مجري رحمه الله . 
الثلاثاء 25 أكتوبر 2011, 11:41 pm
