محاوره كتابيه جميله بين الشاعر حبيب العازمي والشاعر محمد السناني تفضلو!!!

السلام عليكم

شلونكم عساكم بخير


هديكم هذه المحاوره للشاعرين : حبيب العازمي و محمد السناني
عسى ان تنال رضاكم واعجابكم
................................................


الــــســــنــــانــــي
ياسلام الله سلامٍ على روؤس الحـرار.... لرجـال اللـي لهـا فالـزوم مقدمـه
ياحبيـب طالـت الهيمنـه والأحتكـار..... وأنت ماأدري تجهل العلم ولا تعلمـه

حـــــبــــــيــــــب
مرحبا ترحيبـتٍ دايـره فـي كـل دار..... لرجـال مصممـه للـزوم مصممـه
كان ماعندك صبر مالـك إلا الأنتحـار.... حط في نفسك شريحة جهـاز ملغمـه

الــــســــنــــانــــي
البقا بالشاعر اللـي تحـوّل مستشـار... مايهمـه لـو يقطـع بدمـه ولحمـه
أحسبنك فيـك قـدره لتنفيـذ القـرار.... وهثر بني البيت عندك ملعثـم لعثمـه

حـــــبــــــيــــــب
مايقدم من رجـالٍ عليهـا إلا الخيـار....وأنت يامطوع جهينه محمـد عكرمـه
البشـوت مفصلـه لطـوال وللقصـار.... والسناني ركبته شبر عن كعب إقدمـه

الــــســــنــــانــــي
أشهد إن الحظ طيب وزاد النـار نـار.... وأنت مابين الفريقين تبغـى المكرمـه
ميـر لاهـذا ولا ذا يطلعلـك شـعـار.... كود مستور العصيمي يلـد لمحزمـه

حـــــبــــــيــــــب
فرق مثل الفرق فالليل عن فرق النهار.... عاصمتك العيص وإعشيره إلنا عاصمه
ليت عن نفسك تحاول تـرد الأعتبـار....أنت في مافات وإسمك ماغر بالمرسمه

الــــســــنــــانــــي
ياحبيب قبل تصـل المشاريـه الكبـار..... كل ديره عنـد أهلهـا بـلاد مكرمـه
أنت رافقت العصيمي ولحـق القطـار..... ليت يامستـور بنـيٍ بنيتـه تهدمـه

حـــــبــــــيــــــب
والله إنا مانحاول على كشـف الستـار.... مير خيـره يامحمـد تكـب النمنمـه
رفقتي عز وشرف مع طويلين العمـار..... وأنت لاشفت العصيمي قعدت تخمخمه

الــــســــنــــانــــي
والله إنـي لاعـدوك ولا طـلاب ثـأر.... مير حصلتك لحالـك تديـر منضمـه
يوم راع الطيب ماله عن الطيب إعتذار... الرجل يؤخذ على الكلمه اللي من فمه

حـــــبــــــيــــــب
روح دور ربعك اللي غدوا في قندهـار.... كل من خان الوطن للحكومـه سلمـه
لن بغيت الطيبه ماعى الطيـب غبـار.... وإن بغيت الثانيه كل جنب وميسمـه

الــــســــنــــانــــي
وأنت إلك معهم جماعه تلاقوا فالمطـار.... كل متجنـي يبالـه طلـب ومحاكمـه

ارجو ان تكون حازت على رضاكم ورضاكم هو هدفنا

❤ღالـتـًُــوُقــــُــًـــيَــــعً❤ღ:
❤ღ ❤ღ
❤ღ❤ღ
❤ღ❤ღ
❤ღ❤ღ
يَا أَيُّهَا النَّاسُ إِنَّا خَلَقْنَاكُم مِّن ذَكَرٍ وَأُنثَى وَجَعَلْنَاكُمْ شُعُوبًا
وَقَبَائِلَ لِتَعَارَفُوا إِنَّ أَكْرَمَكُمْ عِندَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ

.

مشكور يازيدان
وصح الله لسان الشاعرين الكبيرين

تحياتي لك يابطل ....